Alam niyo ba na ang "sampung milyon" ay may bersyon sa wikang Tagalog?
Ang lumang tawag sa "sampung milyon" ay karora. Ang karora ay isang lumang salitang Tagalog na nagmula sa salitang Hindu na crore, na hanggang ngayon ay ginagamit pa din sa mga bansa sa Timog Asya gaya ng Bangladesh, India, Nepal, Pakistan at Sri Lanka.
Mas madalas itong ginagamit noon, bago pa dumating ang mga Kastila, kung kailan ang mga dayuhang negosyante mula sa Timog Asya ay nakikipagkalakan na sa mga sinaunang Pinoy. Isa ito sa mga hiram na salita sa wikang Hindu at Sanskrit na nalipasan na ng panahon. Ang ilan sa mga salitang hiram sa Hindu at Sanskrit na hindi na ginagamit ay ang "kapas", na ngayon ay bulak, at ang "naga", na Tagalog para sa salitang dragon.
Ngunit hindi lahat ng hiram na salitang galing sa Timog Asya ay limot na. Ang ilan sa mga salitang ito na naging bahagi ng bokabularyong Tagalog hanggang sa ngayon ay ang mga sumusunod:
- asa - umasa, aasa, pag-asa, asahan
- atsara - achara
- asawa - mag-asawa
- bahala - bahala na, bahala ka
- Bathala
- bahagi - kabahagi, bahagian
- balita - balitaan, nagbabalita
- beranda - veranda
- budhi
- diwa
- diwata
- dukha - kadukhaan, karukhaan
- guro
- karma - makarma
- katha - kathain, kinatha
- laho - naglaho
- lakambini
- maharlika
- mukha - kamukha, mukhang, pinag-mukha
- puri - pagpupuri, kapurihan
- salita - sinasalita, pinagsalita, salitaan
- sampalataya - sumampalataya, sumasampalataya
- sarong
- sutla - mala-sutla
- tsaa - chaa
